Last updated: 31 ta’ Diċembru 2024
Mit-13 ta’ Awwissu 2012 id-Direttiva 2011/7/EU tal-Parlament Ewropew u tal-Kunsill tas-16 ta’ Frar 2011 dwar il-ġlieda kontra l-ħlas tard fi tranżazzjonijiet kummerċjali (riformulazzjoni) ġiet trasposta fil-liġi Maltija (Kodiċi kummerċjali) permezz ta’ LN272 of 2012.
Siltiet mill-Avviż legali 272 tal-2012:
“ħlas tard” tfisser ħlas li ma sarx fid-data miftiehma fil-kuntratt jew skont il-liġi, u dwar l-issodisfar tal-kundizzjonijiet stabbiliti skont l-Artikolu 26C(1) (li jittratta l-imgħax fil-każ ta’ ħlas tard fi tranżazzjonijiet bejn l-impriżi) u l-Artikolu 26D(1) (Li jittratta l-imgħax fil-każ ta’ ħlas tard fi tranżazzjonijiet bejn l-impriżi u l-awtoritajiet pubbliċi).
“imgħax legali għal ħlas tard” tfisser imgħax sempliċi għal ħlas tard b’ rata li hija ugwali għas-somma tar-rata ta’ referenza u mill-inqas tmienja fil-mija (8%)
Ir-rata ta’ referenza applikabbli għal:
(a) l-ewwel semestru tas-sena kkonċernata għandu jkun ir-rata fis-seħħ mill-1 ta’ Jannar ta’ dik is-sena;
(b) It-tieni semestru tas-sena kkonċernata għandu jkun ir-rata fis-seħħ mill-1 ta’ Lulju ta’ dik is-sena.
Ir-rata tal-imgħax legali applikabbli fil-każ ta’ ħlas tard fi tranżazzjonijiet kummerċjali fis-seħħ mill-1 ta’ Jannar 2025 hija: 11.15%
