Il-Gvern huwa impenjat li jsaħħaħ il-ġlieda lejn governanza tajba, u l-Att dwar il-whistleblowers huwa pilastru importanti għal soċjeta’ aħjar u aktar ġusta.

Inħatar uffiċjal tal-Gvern mil-livell ta’ Assistent Direttur jew aktar fi ħdan kull Ministeru tal-Gvern biex iservi bħala whistleblowing Officer dettaljat biex jirċievi rapporti. Barra minn hekk, impjegat ieħor għoli taċ-Ċivil minn ġewwa l-Uffiċċju tal-Kabinett fil-Berġa ta’ Kastilja ġie fdat bir-responsabbilta’ li jservi bħala External whistleblowing Officer li se jirċievi r-rapporti kollha skond il-liġi.

Informatur għandu jippreżenta rapport “in bona fede”, u jkun protett minn kwalunkwe azzjoni dixxiplinarja kontrih. Il-whistleblowing jista’ jiġi eżerċitat fuq fatti li ġraw kemm qabel kif ukoll wara li daħlet fis-seħħ il-liġi. Din il-leġiżlazzjoni se tagħti protezzjoni sħiħa lil dawk kollha li huma onesti, u tiggarantixxi s-sikurezza u r-riassigurazzjoni kontra kwalunkwe retribuzzjoni. Fl-istess ħin isservi wkoll ta’ inċentiv għal dawk kollha li għamlu xi għemil ħażin biex jikxfu għemilhom. Il-Proċeduri Interni għar-riċeviment u t-trattament tad-divulgazzjonijiet jistgħu jitniżżlu minn hawn.