Il-Gvern huwa impenjat li jsaħħaħ il-ġlieda lejn governanza tajba, u l-Att dwar il-Whistleblowers huwa pilastru importanti għal soċjetà aħjar u aktar ġusta.

Uffiċjal tal-Gvern inħatar mil-livell ta’ Assistent Direttur jew ogħla f’kull Ministeru tal-Gvern biex iservi bħala Whistleblowing Officer dettaljat biex jirċievi rapporti. Barra minn hekk, uffiċjal għoli ieħor taċ-Ċivil minn ġewwa l-Uffiċċju tal-Kabinett fil-Berġa ta’ Kastilja ġie fdat bir-responsabbiltà li jservi bħala Uffiċjal Estern għall-Whistleblowing li jirċievi r-rapporti kollha skont il-liġi.

Whistleblower għandu jippreżenta rapport ‘in bona fede’, u hu/hi jkun protett minn kwalunkwe azzjoni dixxiplinarja kontrih. Il-Whistleblowing jista’ jiġi eżerċitat fuq fatti li ġraw kemm qabel kif ukoll wara li daħlet fis-seħħ il-liġi. Din il-leġiżlazzjoni se tagħti protezzjoni sħiħa lil dawk kollha li huma onesti, u tiggarantixxi s-sigurtà u s-serħan il-moħħ kontra kwalunkwe tpattija. Fl-istess ħin isservi wkoll bħala inċentiv għal dawk kollha li għamlu xi ħaġa ħażina biex jikxfu l-azzjonijiet tagħhom. Il-Proċeduri Interni għar-riċeviment u t-trattament tad-divulgazzjonijiet jistgħu jitniżżlu minn hawn.